Kryeministri Edi Rama gjatë një bashkëbisedimi me gazetarët, krah ministres së Shëndetësisë Ogerta Manastirliu, ka zgjedhur që ti përgjigjet akuzave të opozitës në lidhje me menaxhimin e pandemisë së Covid-19.
Rama po ashtu ka folur edhe në lidhje me vetëvrasjet e pacientëve të infektuar me Covid-19, ku në vendin tonë kanë vrarë veten 4 persona duke u hedhur nga ballkonet e spitaleve.
Kryeministri Rama ka listuar një sërë vendesh sipas tij se persona të infektuar me Covid-19 kanë vrare veten, edhe në vende të zhvilluara të botës. Sipas Ramës edhe mjekë i kanë dhënë fund jetës pasi janë infektuar me Covid-19 duke u hedhur nga spitalet.
Rama sakaq sulmoi edhe gazetarët, ku njëri sipas tij ka deklaruar se vetëvrasjet shkaktohen nga zhurma e aparaturat e oksigjenit pasi janë të vjetra.
“Beni një kërkim shumë të thjeshtë për të parë që shifrat botërisht tregojnë atë që është paralajmëruar në mënyrë të vazhdueshme nga ekspertët, se futjen e këtij armiku të padukshme në trupin e njeriut është edhe nxitja e këtij virusi për të vrarë veten. Nga marsi deri në gusht janë vrarë 71 persona në Itali.
Në Francë është lidhur numri i vetëvrasjeve që lidhen me Covid-19. 4 persona në Gjermani, në Arabinë Saudite në Britaninë e Madhe kanë kryer vetëvrasje si pasojë e ankthit nga frika dhe infektimi me Covid-19. Një infermiere në Londër vrau veten gjatë turnit të saj të punës. 3 mjekë rus janë vetëvrare duke u hedhur nga dritaret e spitalit pasi janë infektuar me Covid-19. Nga 21 shtatori deri në 20 tetor 4 pacientë janë vetëvrarë në spitalet e kryeqytetit të Ukrainës.
Qeveria e Shqipërisë i nxit këto vetëvrasje nëpër botë, apo nxiten nga kushtet e ashtuquajtur të këqija në spitalin e Shqipërisë. Njëri nga kolegët tuaj thoshte se mendohet se vetëvrasjet nxiten nga zhurma e aparaturat e oksigjenit pasi janë të vjetra.
Në muajin prill mbi 1000% thirrjet e urgjencave nga familjarë të personave më çrregullime emocionale nga infektimi i Covid-19. Është vrare personel mjekësor me hedhje nga dritarja në SHBA.”- tha Rama.
