Kryepeshkopi Anastas Janullatos është nisur drejt Greqisë me një avion ushtarak për kurim pasi është infektuar me koronavirus.
Kisha Orthodhokse “Shën Theodhori” Vlorë ka postuar në rrjetet sociale mesazhin e Janullatosit përpara largimit nga Shqipëria.
“Pjesëmarrja në dhimbjen e përbashkët është dhuratë Perëndie. Mos u shqetësoni, gjithçka do të kalojë. Edhe nëse jetojmë, edhe nëse vdesim, të Zotit jemi”, tha Kryepeshkopi Anastas, ndërsa u largua për në spital” shkruhet në postimin në rrjet të Kishës Orthodhokse “Shën Theodhori” Vlorë.
Kryepeshkopi ndodhet jashtë rrezikut për jetën, por gjendja e tij ka qenë e rënduar.