Akuzat dhe kundërakuzat mes Ramës dhe Bashës lidhur me situatën nga koronavirusi vazhdojnë. Pasi Basha i kujtoi Ramës se spitalet janë në kolaps, ishte ky i fundit që u justifikua se gjendja e tillë është në gjithë botën dhe se Basha nuk duhet të merret me këtë gjë.
Por është kundërpërgjigjur Basha që i kujton Ramës se nuk duhet të qëndrojë në instagram sepse spo bën asgjë tjetër veçse po shkatërron ekonominë e vendit. basha ka shkruajtur sërish nga instagrami se Rama të lërë cicërimat por të bëjë detyrën.
“Rama vazhdon cicërimat në vend që të bëjë detyrën. Shqipëria është në kulmin e infektimit ndërsa Rama është mbërthyer pas Instagramit. Po të shkulej nga Instagrami, do ta shihte sa e rëndë është gjendja. Të sëmurët, familjet dhe mjekët i ka braktisur pa asnjë ndiihmë. Rama shkatërroi ekonominë dhe tani po shkatërron jetët dhe shëndetin e njerëzve. Edhe sa shqiptarë duhet të humbin jetën për fajin e tij?”
Menjëherë ka ardhur një tjetër postim nga Rama.
“Lulëzim sa më shumë i shmangesh përgjigjes për kontributin tënd në raportin e Dick Marty,aq më shumë e pranon faktin e tmerrshëm se je pjesë e asaj loje të ulët për njollosjen e UÇK,ndërkohë që unë nuk dua ta besoj këtë dhe të bëj thirrje të dalësh e ta sqarosh popullin shqiptar!
Sharjet e akuzat qesharake për mua si fajtor pse në Shqipëri numrat e të infektuarve po rriten si kudo, s’të mbrojnë dot nga kjo hije e të kaluarës që këto ditë të rênda për Kosovën, vetëm zmadhohet e rëndohet nga bishtnimi yt! Dil sqaro rolin tënd në atë raport të turpshëm!”
