Legjenda e humorit shqiptar, Koço Devole humbi jetën si pasojë e komplikacioneve të shkaktuara nga COVID-19.
Për këtë humbje të madhe të artit shqiptar ka reaguar edhe kryeministri Rama përmes një postimi në rrjetet sociale.
“Lamtumirë i shtrenjti Koço! U prehsh në paqe”, shkruan kryeministri Rama.
Gjendja shëndetësore e aktorit ishte e komplikuar për shkak edhe të sëmundjes së leuçemisë nga e cila aktori vuante prej vitesh.
Ai jetonte në Tiranë me djalin e tij, ndërkohë që bashkëshortja dhe vajza janë zhvendosur në SHBA. Kjo e fundit kishte ardhur në Shqipëri përgjatë ditëve të fundit për t’i qëndruar pranë të atit.
