Një lloj koronavirusi i ndryshuar ka filluar të qarkullojë në Danimarkë. Ky virusi është shfaqur fillimisht te vizonat dhe më pas ka kaluar te njerëzit. Janë 212 të infektuar në shtetin danez. Kjo ka bërë që danezët të nisin procesin e zhdukjes së këtyre kafshëve.
Qeveria ka vendosur një izolim rajonal për të bllokuar përhapjen e mutacionit të ri të koronavirusit , që transmetohet nga vizonat te njerëzit.
Mbyllja, që do të zgjasë deri më 3 dhjetor, prek 280,000 banorë të shtatë komunave në Jutlandin verior, në Danimarkën perëndimore.
Izolimi vjen pas vendimit, për të vrarë 15 milionë vizona në më shumë se një mijë ferma në zonë. Arsyeja është shqetësimi që ky mutacion i ri i koronavirusit, mund të ndërhyjë në efektivitetin e një vaksine për njerëzit.
Qeveria informoi Organizatën Botërore të Shëndetësisë për vendimin. OBSH tha se është në kontakt me ta për të zbuluar më shumë. Rreziku i mundshëm vlerësohet i lartë. / Burimi: Corriere della Sera
