Pasi një vaksinë kundër COVID-19 të jetë në dispozicion në SHBA, ata që do ta marrin do të ndiqen me një platformë smartfon që do të mundësojë një mbikëqyrje aktive mbi gjendjen shëndetësore, njoftoi CDC amerikane.
“V-Safe është një program i ri i mbikëqyrjes aktive përmes smartfon”, theksoi Tom Shimabukuro, zëvendësdrejtor i Zyrës së Sigurisë së Imunizimit të CDC gjatë një takimi të komitetit të vaksinave të FDA.
“Kjo është një mënyrë më aktive për të monitoruar efektet anësore sesa thjesht të presësh që pacienti t’i raportojë ato”, shtoi ai.
Programi bën thirrje që shëndeti i marrësve të vaksinave të monitorohet çdo ditë përmes tekstit dhe postës elektronike për javën e parë dhe më pas çdo javë për një muaj e gjysmë.
Nëse dikush raporton një efekt negativ, programi do ta raportojë atë në bazën e të dhënave të përshtatshme.
“Përveç kësaj, CDC po planifikon dy sisteme të tjera për monitorimin në kohë reale të sigurisë së vaksinave për COVID-19, të cilët planifikojnë të përdorin të dhëna spitalore dhe rsa dhe ato të kompanive të sigurimeve shëndetësore.
