Presidenti Donald Trump premtoi të enjten veprime të rëndësishëm ligjore për të sfiduar zgjedhjet në shtete të rëndësishme, pasi evidentoi se fitorja e tij po vihet në diskutim nga numërimet e votave, që kanë mbërritur më vonë, për Joe Biden.
“Ne mendojmë se do të ketë shumë procese gjyqësore sepse kemi kaq shumë prova, kaq shumë prova, do të përfundojë ndoshta në Gjykatën më të Lartë në tokë, do t’a shihni”, tha ai.
“Ne mendojmë se do të ketë shumë procese gjyqësore, sepse nuk mund të kemi një zgjedhje të vjedhur si kjo”, shtoi ai.
Presidenti u foli gazetarëve në konferencën për shtyp në Shtëpinë e Bardhë, ku kërkoi transparencë në proces dhe hodhi dyshime mbi sistemet e votimit të drejtuara nga Demokratët.
“Ne duam që të llogaritet çdo votë ligjore, dhe unë dua që të numërohet çdo votë ligjore”, tha ai. “Ne duam hapje dhe transparencë – pa dhoma sekrete të numërimit, pa vota misterioze, pa vota të paligjshme që hidhen pas Ditës së Zgjedhjeve”, tha ai.
Presidenti tha se ai parashikoi saktë që fletët e votimit me postë ishin një manipulim dhe se ato do të sfidonin rezultatet.
“Zyrtarët demokratë kurrë nuk besuan se mund t’i fitonin këto zgjedhje me ndershmëri. Unë me të vërtetë besoj se kjo është arsyeja pse ata bënë fletëvotimet me postë, ku ka korrupsion dhe mashtrim të jashtëzakonshëm ”, tha Trump.
Presidenti tha se kishte shumë makinacione në zgjedhje, duke shtuar se punëtorët elektoralë po largonin vëzhguesit e zgjedhjeve të Trump ose i mbanin larg nga shikimi i numërimit të votave.
“Nëse numëroni votat ligjore, unë fitoj lehtë. Nëse numëroni votat e paligjshme, ata mund të përpiqen të na vjedhin zgjedhjet”, tha Trump.
Presidenti i hidhëroi anketuesit për parashikimin e rremë se ai do të humbte zgjedhjet, duke i akuzuar ata se me vetëdije e bënin këtë për të shtypur votën e Republikanëve.
Ai gjithashtu hodhi dyshime mbi sistemet e votimit që drejtohen nga demokratët, duke i akuzuar ata për bllokimin e votave të tij.
“Aparati i votimit të atyre shteteve drejtohet në të gjitha rastet nga demokratët”, tha Trump.
Detroit dhe Filadelfia, paralajmëroi ai, kishin një histori korrupsioni, dhe kjo vë në dyshim rezultatet. Vende të caktuara, tha Trump, ndaluan numërimin ose dorëzuan copa të mëdha votash në orët e para të mëngjesit të zgjedhjeve.
Presidenti tha se ekipi i tij kishte mbledhur “histori tmerri” të mospërputhjeve të votimit, duke sugjeruar se ai do t’i zbulonte ato për publikun.
“Qëllimi ynë është të mbrojmë integritetin e zgjedhjeve. Ne nuk do të lejojmë që korrupsioni të vjedhë një zgjedhje kaq të rëndësishme ose ndonjë zgjedhje për atë çështje”, tha ai.
