Idi Batha dhe Agustin Torassa ishin dy mungesat e mëdha të Tiranës në fitoren 2-0 ndaj Kukësit.
Dy lojtarët titullarë u pezulluan me nga 4 ndeshje nga Displina për shkak se kishin ofenduar zyrtarët e ndeshjes në një test miqësor.
Ashtu si Batha edhe Torassa kanë shlyer gjysmën e dënimit duke qenë se nuk luajtën në ndeshjen e parë të Kupës si dhe në kampionat. Klubi bardheblu do të paguajë gjysmën e dënimit për lojtarët në mënyrë që të jenë në fushë ndaj Teutës.
Që të dy futbollistët janë titullarë të rëndësishëm për formacionin e Egbo e për këtë arsye drejteusit kanë vendosur të paguajnë për dënimin e tyre në mënyrë që të jenë në fushë ditën e diel në një ndeshje delikate si ajo ndaj durrsakëve.
Tirana-Teuta luhet të dielën në orën 13:45 me sfidën që do të zhvillohet në Pogradec në stadiumin “Gjorgji Kyçyku”.
