Kanë përfunduar tre takime të vlefshme për javën e parë të Kategorisë Superiore. Tirana e nis me fitore kampionatin teksa kanë mundur me rezultatin e pastër 2-0 ekipin e Kukësit, edhe pse kishin disa mungesa të rëndësishme.
25 herë kampionët e vendit e zgjidhën ndeshjen që në fillim. Filip Najdovksi, në harkun kohor të 10 minutave, shënoi dy gola gati identikë dhe i dha shkaktoi humbjen e parë Kukësit të drejtuar nga Skënder Gega. Verilindorët shfaqën dobësi në mbrojtje dhe do të duhet punë që të jetë ekipi i vjetshëm.
Kastrioti ka befasuar Partizanin, duke e mundur me rezultatin 2-1. Krutanët treguan grinte dhe në minutën e 20-të shënuan me David.
Një penallti në pjesën e dytë i barazoi shifrat, pasi Jasir Asani u tregua i saktë nga pika e bardhë. Gjithsesi në fund ishte Rezi që me një gol mjaft të bukur i dha goditjen finale skuadrës së Ilir Dajës dhe kështu Kastrioti e nis kampionatin me tre pikë.
Në Ballsh, vendasit e Bylisit kërkuan me ngulm të triumfonin kundër Laçit që ka bërë afrime të rëndësishme. Skuadra e Dovedan madje edhe shënoi e para me Hadrojin, por në fillim të pjesës së dytë kurbinasit barazuan me Nwabueze me penallti. Bylisi ngulmoi të shënonte golin e fitores, por pa sukses.
Java e parë e Kategorisë Superiore mbyllet me dy sfidat e orës 16:45, Teuta- Skënderbeu dhe Vllaznia-Apolonia.
