Enkelejd Alibeaj, ish-deputet i PD-së, ka reaguar ndaj qëndrimit nga Holanda, e cila nuk ka hapur dritën jeshile për negociatat mes Shqipërisë dhe BE-së.
Qeveria në Hagë ka hedhur poshtë kornizën negociatore të Komisionit Evropian duke i konsideruar jo bindëse rezultatet që raporton për Shqipërinë. Holanda kërkon rivendosjen e dialogut politik për reformën zgjedhore dhe zbatimin e saj ndërkohë që duket se ka dhënë dritë jeshile për Shkupin.
Pas vendimit nga qeveria holandeze, Alibeaj në një postim në rrjet, shkruan se për Edi Ramën do të flasë e gjithë bota mbarë. Alibeaj ka postuar edhe një video ku përball gënjeshtrat e Ramës lidhur me procesin e integrimit.
“Turp e faqja e zezë!
Për këtë qeveri do flasë e gjithë bota mbarë!
Do e studiojnë politologët, juristët, historianët si qeveria e dështimit, korrupsionit, si qeveria që bëri vetëm hapa pas për integrimin në BE.
Mos beso më asnjë fjalë nga mashtruesit me karrige pushteti!
Denonco, shpërndaje këtë video!”, shkruan Alibeaj.
