Disa pedagogë universitetesh, në një bashkëbisedimme kreun e PD, Lulzim Basha, thanë se qeveria nuk dha asnjë ndihmë financiare e as logjistike për zhvillimin e mësimit online.
Pedagogët thanë se studentët nga periferitë dhe zonat rurale nuk kanë internet dhe nuk marrin dot pjesë në mësimin online.
Ata e vunë theksin tek fakulteti i shkencave të aplikuara, i cili nuk mund të zhvillojë online orët e praktikave dhe laboratorëve.
Pedagogët u shprehën se dështimi i mësimdhënies online, i detyroi kolegët e tyre të përsërisin leksionet gjatë verës.
Ata theksojnë se Komiteti Teknik i Ekspertëve nuk u konsultua fare me universitetet.
Një tjetër çështje problematike sipas tyre, mbeten studentët nga Durrësi e Kruja, të cilët shumë prej tyre jetojnë në çadra.
LEXO EDHE:
Mësimi online/ Basha: Kapacitetet të pamjaftueshme. Pedagogët: Qeveria nuk dha asnjë ndihmë
