Një 41-vjeçar, i shpallur në kërkim me qëllim ekstradimi drejt Italisë, u arrestua nga Sektori i Forcës së Posaçme të Operacioneve Speciale dhe Kërkimit.
Sipas një njoftimi zyrtar. në bashkëpunim edhe me Interpol Tirana, u arrestua shtetasi në kërkim ndërkombëtar Kristian Sula alias Bledar Gaçi, 41 vjeç, banues në Tiranë.
Ky shtetas ishte i shpallur në kërkim ndërkombëtar, pasi Gjykata e Torinos, Itali, e ka dënuar me 9 vjet, 4 muaj e 7 ditë burg, për veprat penale “Organizatë kriminale” dhe “Trafik i lëndëve narkotike”, parashikuar nga Kodi Penal italian.
Interpol Tirana, në bashkëpunim me Interpol Romën, po vijon procedurat për ekstradimin e këtij shtetasi drejt Italisë.
