Covid-19 në Itali, 0.5 % e të infektuarve me shenja kritike/ Ja çfarë ndodh me virusin

Epidemiologu i njohur Ilir Alimehmeti ka publikuar në faqen e tij në rrjetet sociale, studimin më të fundit nga Italia, lidhur me numrin e personave të prekur nga Covid-19, trajtimet spitalore, numrin e vdekjeve si dhe mënyrën se si janë zbuluar rastet e reja.

Alimehmeti, referuar studimit, shkruan se 90.6 % e të infektuarve marrin trajtimin në banesat e tyre, ndërsa vdekshmëria është 0.3 %. Sipas studimit të Instituti Superiore della Sanita, 57.1 % e të infektuarve janë asimptomatikë, 13.5 % kanë shenja minimale, 23.1 % kanë shenja të lehta, 5.8 % kanë shenja të rënda dhe 0.5 % kanë shenja kritike.

Postimi nga Ilir Alimehmeti

Vëzhgo, shëno, llogarit, komuniko. Përdori të pesta shqisat. Mëso të shohësh, mëso të dëgjosh, mëso të ndjesh, mëso të nuhasësh, dhe kupto që duke praktikuar mund të bëhesh ekspert!”
Cit.: William Osler (Themelues i Johns Hopkins Hospital)

Miqtë e mi!

📈 Pak ditë më parë, studiuam të dhënat zyrtare të Italisë dhe u duk si një histori tjetër në krahasim me çfarë deklarojnë mediat italiane.
❗ Pati edhe diskutim se të dhënat ishin “të vjetra” edhe pse mbulonin periudhën 28 shtator – 11 tetor 2020.
🇮🇹 Por organi më i lartë zyrtar i Italisë, Istituto Superiore della Sanità, nuk rri kot!
Ai nxjerr një raport çdo javë!
📝 Le të hedhim një sy mbi raportin e publikuar 30 tetor 2020 (më të freskët nuk kemi ku të gjejmë):
📝 Raporti paraqet situatën dhe shifrat zyrtare në periudhën dyjavore 12 tetor – 25 tetor 2020. (linku i raportit në fund të postimit si gjithmonë).
👉 Disa prej të dhënave janë paraqitur qartë përmes grafikëve, kurse disa të tjera janë në tekst dhe nuk janë vendosur në formë grafiku.
👉 Për barazi informacioni, grafikët mungues i kam krijuar bazuar mbi tekstin e shkruar të raportit zyrtar.
Të dhënat kryesore:

📈 Figura 3 tregon shpërndarjen e të infektuarve sipas grupmoshës:
👉 47.2% janë 19-50 vjeç (ishin 47.1% dy javë më parë)
👉 25.3 janë 51-70 vjeç (ishin 24.2% dy javë më parë)
👉 16.1% janë 0-18 vjeç (ishin 17.3% dy javë më parë)
👉 11.5% janë >70 vjeç (ishin 11.3% dy javë më parë)
🙏 Si rrjedhojë, moshat aktive janë ato që infektohen më shumë.
👉 72.5% janë 19-70 vjeç (ishin 71.3% dy javë më parë).
❗ Pra, nuk ka asnjë ndryshim në këto të dhëna ndërmjet dy raporteve.

📈 Tabela 1 tregon si janë zbuluar pacientët e infektuar:
👉 32.4% përmes paraqitjes së simptomave (ishin 30.6% dy javë më parë)
👉 26.5% përmes kontrolleve screening (testime masive) (ishin 31.6% dy javë më parë)
👉 22.1% përmes hetimit epidemiologjik (ishin 30.5% dy javë më parë)
👉 19.0% nuk dihet (ishin 7.3% dy javë më parë).
❗ Pra, hetimi epidemiologjik (gjurmimi i kontakteve) ka gjetur vetëm 1 pozitiv ndër 5 në Itali.

📈 TABELA 7 ËSHTË SHUMË E RËNDËSISHME dhe tregon vdekshmërinë sipas moshave ndër operatorët shëndetësorë:
👉 18-29 vjeç, 0 vdekje ndër 4.798 raste = vdekshmëria 0.0%
(ishte 0.0% dy javë më parë)
👉 30-39 vjeç, 2 vdekje ndër 7.286 raste = vdekshmëria 0.0% (shifër shumë e ulët prapa presjes dhjetore)
(ishte 0.0% dy javë më parë)
👉 40-49 vjeç, 4 vdekje ndër 10.780 raste = vdekshmëria 0.0% (shifër shumë e ulët prapa presjes dhjetore)
(ishte 0.0% dy javë më parë)
👉 50-59 vjeç, 28 vdekje ndër 12.422 raste = vdekshmëria 0.2%
(ishte 0.2% dy javë më parë)
👉 60-69 vjeç, 52 vdekje ndër 4.014 raste = vdekshmëria 1.3%
(ishte 1.5% dy javë më parë)
👉 70-79 vjeç, 17 vdekje ndër 196 raste = vdekshmëria 8.7%
(ishte 8.8% dy javë më parë)
👉 Moshë e paditur (potencialisht >80 vjeç), 14 vdekje ndër 122 raste = vdekshmëria 11.5%
(ishte 15.4% dy javë më parë)
🙏 TOTALI: 118 VDEKJE NDËR 39.578 RASTE = VDEKSHMËRIA 0.3%
(ishte 0.3% dy javë më parë)
👉 Duke qenë se virusi nuk bën dallime ndërmjet profesioneve, ky është studimi më i mirë në nivel kombëtar për përllogaritjen e përafruar të IFR-së.
❗ Dy grafikët e fundit janë të bërë vetë, pasi ISS-ja “nuk e ka parë të arsyeshme” ta bëjë informacionin të dukshëm vizualisht, por e ka paraqitur vetëm me tekst.

📈 Grafiku 1: Gjendja klinike
👉 57.1 e të infektuarve nuk kanë asnjë shenjë të vetme klinike (asimptomatike)
(ishin 55.9% dy javë më parë)
👉 13.5% e të infektuarve kanë shenja minimale (paucisimptomatike)
(ishin 15.7% dy javë më parë)
👉 23.1% e të infektuarve kanë shenja të lehta
(ishin 22.1% dy javë më parë)
👉 5.8% e të infektuarve kanë shenja të rënda (potencialisht të shtruar në spital)
(ishin 6.6% dy javë më parë)
👉 0.5% e të infektuarve kanë shenja kritike
(potencialisht të shtruar në terapi intensive) (ishin 0.7% dy javë më parë).
✅ Pra, 93.7 e të infektuarve e kalojnë krejtësisht lehtë sëmundjen
(ishin 92.7% dy javë më parë)!

📈 Grafiku 2: Ku po trajtohen të infektuarit?
👉 90.6% e të infektuarve po trajtohen në shtëpi
(ishin 91.2% dy javë më parë)
👉 8.26% e të infektuarve po trajtohen në spital në repart normal
(ishin 7.63% dy javë më parë)
👉 0.93% e të infektuarve (ose rreth 10% e shtrimeve totale) po trajtohen në spital në terapi intensive
(ishin 0,77% dy javë më parë)
👉 0.2% ndodhen në një anije karantinë (potencialisht emigrantë ose detarë)
(ishin 0.3% dy javë më parë)
👉 0.1% ndodhen në spital ushtarak (potencialisht personel ushtarak)
(ishin 0.1% dy javë më parë).

Pra miqtë e mi, mesazhet kyçe janë:
🇮🇹 ITALIA VAZHDON TË NJËJTIN TREND TË SËMUNDJES
👉 VDEKSHMËRIA (CFR) = 0.3% (studim te operatorët sanitarë)!
👉 VDEKSHMËRI POTHUAJSE 0% DERI NË MOSHËN 50 VJEÇ
(4 vdekje ndër 22.684 të infektuar – studim te operatorët sanitarë)!
👉 93.7% NUK KANË SIMPTOMA OSE KANË SIMPTOMA TË LEHTA!

Ndërkohë vazhdojmë tregojmë kujdes dhe ruajmë masat e sigurisë personale si gjithmonë!
❗ INFORMACION PO, FRIKË JO!
Dr. Shk. Ilir Alimehmeti
Epidemiolog Klinik
Fakulteti i Mjekësisë, UMT
Për detaje:
https://www.epicentro.iss.it/…/Bollettino-sorveglianza…