Tirana-Kukësi do të luhet në stadiumin “Skënderbeu” të Korçës. Është ky vendimi i marrë nga klubi bardheblu, i kushtëzuar natyrisht nga gjendja e terreneve në kryeqytet.
Supersfida nuk mund të luhej në “Selman Stërmasi” për shkak të tapetit, ndërsa “Air Albania”, nuk është e disponueshme, teksa fusha e cila ka shfaqur probleme të shumta duhet ruajtur për dy ndeshjet e kombëtares në nëntor.
Federata kishte vendosur si opsion për zhvillimin e takimit stadiumin e Skënderbeut dhe atë të Laçit, por teksa klubi korçar dha menjëherë miratimin dhe për shkak të vonesës në komunikim me klubin kurbinas, drejtuesit e Tiranës vendosën të zgjedhin Korçën pavarësisht distancës më të largët gjeografike.
Tirana-Kukësi luhet ditën e mërkurë ora 16:45.
