Pas dy barazimeve radhazi në Premier League, Chelsea është rikthyer te fitorja. “Blutë e Londrës” arritën një tjetër fitore të pastër 0-3 në transfertë, kundër Burnley.
Hakim Ziyech zhbllokoi sfidën pas gjysmë ore lojë. Marokeni mori një top nga Abraham dhe lëshoi një goditje të saktë drejt portës vendase.
Dy golat e tjerë u realizuan në fraksionin e dytë dhe mbajnë firmat e Kurt Zouma dhe Timo Ëerner. Mbrojtësi francez shënoi me kokë pas një goditje këndi në minutën e 63-të, duke gjetur golin e tretë në kampionat për këtë sezon.
Shtatë minuta më vonë erdhi edhe rrjeta e sulmuesit gjerman. Ëerner shfrytëzoi një asist të Ziyech dhe tundi rrjetën e Burnley, e tretë në Premier League për të. 12 pikë numëron Chelsea pas javës së shtatë, ndërsa vendasit mbeten në vend të fundit me 1 pikë.
