Rritja e rasteve të Covid-19 në Itali ka pasur efekt edhe në futboll teksa testet e njëpasnjëshme ndaj një numri të madh lojtarësh kanë rezultuar pozitivë.
Dy rastet më të fundit janë te Parma, skuadër e cila luan sot kundër Interit. Klubi raportoi se dy lojtarë të cilët e kanë kaluar më parë virusin kanë dalë sërish pozitiv dhe tashmë janë në izolim.
Sipas shtypit lokal, futbollistët e prekur janë Bruno Alves dhe Marco Scozzarella, të cilët nuk figurojnë në listën e futbollistëve për ndeshjen kundër Interit. Ashtu siç njofton klubi, të dy janë asimptomatikë, ndërsa do e përsërisin testin pas 48 orëve.
“Parma Calcio 1913 njofton se testet e fundit kanë dalë të gjitha negative, me vetëm dy lojtarë pozitivë. Ata janë dy atletë të cilët kanë qenë pozitivë më parë dhe tani janë infektuar sërish. Të dy lojtarët thuhet të jenë asimptomatik dhe do të jenë në izolim deri në testimet tjera. Mbetet të shihet nëse skuadra do t’i shpëtojë kësaj situate me vetëm dy raste të infektuara”, – thuhet në komunikatën e klubit italian.
https://twitter.com/1913parmacalcio/status/1322245277307252736?ref_src=twsrc%5Etfw%7Ctwcamp%5Etweetembed%7Ctwterm%5E1322245277307252736%7Ctwgr%5Eshare_3&ref_url=https%3A%2F%2Fmaisfutebol.iol.pt%2Fcoronavirus%2Fmade-in%2Fcovid-19-bruno-alves-fora-dos-convocados-apos-parma-anunciar-reinfetados
