Moti në orët e para të mëngjesit do të jetë me vranësira mesatare deri të dendura, shoqëruar me reshje shiu të herëpashershme me intensitet të ulët në relievet e larta malore, në formë shtrëngatash afatshkurtër.
Megjithatë kjo paqëndrueshmëri nuk do të zgjasë shumë. Pjesa tjetër e ditës parashikohet të ketë mot të kthjellët, por edhe alternime vranësirash kalimtare.
Për ditën e shtunë parashikohet përmirësim i mëtejshëm i kushteve atmosferike. Moti do të jetë i kthjellët në të gjithë territorin përjashtuar vranësirat e pakta kalimtare në zonën e verilindjes.
