Ylli Manjani, ish-ministër i Drejtësisë, ka reaguar përmes rrjeteve sociale, lidhur me shoqëminin nga policia të një zonje, e cila po qeshte.
Manjani shkruan se Policia e Shtetit jo sot, por ka kohë që është një sjellje flagrante antiligj, sa i takon shoqërimit të njerëzve në polici. Në këtë kuadër Manjani shkruan se shoqërimi i zonjës me arsyetimin “ça ke që qesh”, është fundi i çdo llogjike!!!
“Nuk mund të mos përmendim me këtë rast sjelljen brutale të saj, në abuzim të plotë me ligjin dhe detyrën, kur përdori gaz lotsjellës ndaj banorëve civilë në banesat e tyre tek bulevardi i ri, rrahjen barbare tek unaza e njerzve pa lidhje, dhunën jo proporcionale dhe rolin haptazi pa ligj në shembjen e Teatrit Kombëtar, arrestime dhe ndërhyrje në banesa private tej orareve dhe rregullave bazë të privatësisë, kontrollin e paautorizuar me skafandra e veshe anti plumb në banesat e gjykatësve etj etj..
Por shoqërimi pa shkak ligjor dhe në mënyrë masive i njerëzve në polici është simptomë e rëndë e policimit abuziv”, shkruan Manjani.
Në vijim ai theksoi se trajtimi i të shoqëruave si të dënuar apo si ndëshkim për diçka, quhet vetgjyqsi dhe duhet dënuar.
“Këtë sjellje abuzive, haptazi kundër ligjit mund ta ndalojë vetëm Prokuroria dhe Drejtësia.
Është momenti që drejtësia të tretojë që është të paktën mbi policinë”, shprehet Manjani.
Lexo edhe KETE
Nuk është barcaletë! Gruaja shoqërohet në Polici se … qeshi me fjalimin e Ramës
