Sezoni i ri i futbollit shqiptar do të nisë ditën e diel me Kupën e Shqipërisë. Ndërkohë që Kategoria Superiore do të zbresë në fushë të mërkurën e ardhshme teksa do të luhet java e parë e sezonit 2020/2021.
Më herët FSHF-ja doli me deklaratë zyrtare teksa njoftoi që edicioni iri I Kupës së Shqipërisë do të zhvillohet me tek ndeshje, ndërkohë që si pritës ndeshjet e dy tureve të para do të jenë ekipet e renditura më lart në sezonin e fundit.
Çiftet e turit të parë janë ndarë në dy grupe. Në grupin A bëjnë pjesë ekipe si Tirana, Laçi dhe Teuta, fituesit në fuqi të këtij kompeticioni. Duele të lehta për skuadrat e Superiores, teksa bie në sy përballja Flamurtari-Dinamo.
Kukësi, Skënderbeu, Partizani dhe Vllaznia janë pjesë e grupit B, ekipe që nuk pritet të hasin aspak probleme në lidhje me kualifikimin. Ndryshe nga se ka ndodhur në sezonet e fundit, këtë vit do të ketë short të lirë edhe për fazën çerekfinale, jo vetëm për gjysmëfinalet. Ekipet pritëse do caktohen nga shorti.
Grupi A:
Tirana-Shkumbini
Laçi-Vora
Teuta-Tërbuni
Bylis-Veliçiku
Flamurtari-Dinamo
Kastrioti-Burreli
Besëlidhja-Egnatia
Korabi-Erzeni
Grupi B:
Kukësi-Maliqi
Skënderbeu-Tomori
Partizani-Iliria
Vllaznia-Devolli
Luftëtari-Elbasani
Apolonia-Turbina
Pogradeci-Oriku
Lushnja-Besa
