Moderatorja e njohur Arbana Osmani u bë nënë për herë të dytë, e një djali të quajtur Diell. Mirëpo moderatorja ka ardhur shumë shpejt në formë perfekte fizike dhe kjo ka tërhequr vëmendjen e të gjithëve.
Në postimet e fundit në rrjete sociale Arbana ka zgjedhur të tregojë hapat që ka ndjekur me përpikmëri nga ushqimi i shëndetshëm, të pish shumë ujë dhe hapa të tjerë që mund t’i lexoni në postimet më poshtë.
“Fillimisht gjatë shtatzënisë kam ngrënë shëndetshëm, shumë perime , shumë fibra, pak embëlsira dhe shumë ujë. Doktori im ishte shumë i rreptë lidhur me shtimin e peshës, dhe më këshilloi që të mos shtoja më shumë se 8-10 kilogramë dhe kam ngrënë shpesh edhe pak.
Sot 10 ditë pas lindjes, jam 3 kg më shumë sec isha para shtatzënisë, tjetër punë që isha një 3 kg më shumë sesa duhet të isha zakonisht. Pas një jave fillova një regjim me 1800 kalori, që është më shumë me fibra, proteina, pak karbohidrate, pothuaj 0 ëmbëlsira“, shkruan më tej ajo.
Ndërsa ka folur dhe për depresionin pas lindjes që është prezent te shumë gra, por që te vetë ajo për fatin e mirë nuk ka gjetur vend.
“Sa i takon depresionit post partum, kam qenë aq e lumtur pas të dyja lindjeve te të dy djemve sa qaja (dhe qaj) pothuaj çdo ditë nga lumturia.
Gjithsesi nëse ju po përjetoni mërzi të stërzgjatur, ankth, depresion dhe dëshirë për të mos vazhduar këshillohuni me patjetër me një psikolog dhe kërkoni ndihmë sa më shpejt”- shkruan Arbana nder te tjera.
