Letra e Metës/ Rama: S’ke asnjë kompetencë të futësh hundët në punët e ekspertëve

Presidenti Ilir Meta publikoi në rrjetet sociale letrën që i ka drejtuar Kryeministrit Edi Rama, ministres së shëndetësisë, Ogerta Manastirliu dhe kryeparlamentarit Gramoz Ruçi, lidhur me situatën e pandemisë Covid-19 në vendin tonë.

Meta kërkon rishikimin e masave, në kushtet kur ka një shtim të rasteve të reja me koronavirus, sikundër ka një rritje të numrit të pacientëve që shtrohen në spitale dhe atyre që humbin jetën.

Shqipëria është vendi i fundit lidhur me numrin e testeve që realizon në 24 orë, ndërsa referuar shifrave zyrtare, prej të paktën 1 jave numri i të infektuarve është rritur pothuajse dy herë krahasuar me javët e mëparshme.

Por në një përgjigje drejtuar Presidentit, Kryeministri Edi Rama me një gjuhë të ashpër shprehet se Kreu i Shtetit nuk ka asnjë kompetencë që të ndërhyjë në punët e ekspertëve.

Madje Rama me jo pak ironi i kërkon Metës që të mbledhë partinë dhe t’i kërkojë të mos bëjnë thirrje kundër maskës.

“Ilir ti s’ke asnjë kompetencë të fusësh hundët në punët e ekspertëve për menaxhimin e situatës mjekësore! Si fillim mos dil vetë pa maskë nga shtëpia,mblidh edhe partinë tënde që të mos bëjë thirrje histerike kundër maskës dhe shiko punën që ke se vetëm atë s’po bën prej kohësh!

LEXO EDHE  1 vit nga tërmeti tragjik, Maliqi: Rama, kryemafioz me lot krokodili. I mashtroi shqiptarët

Ekspertët janë ata që vendosin për hapat që duhen ndërmarrë çdo ditë në bazë të strategjisë së vjeshtë-dimrit.Rritja e numrave është brenda parashikimeve dhe ne duhet të shmangim me çdo kusht një mbyllje të re, prandaj secili, ti i pari, duhet të zbatojë rregullat e thjeshta!

Ministrja e Shëndetësisë meriton përkrahje pa rezervë për punën e palodhur që po bën, siç e meritojnë ekspertët dhe padiskutim mjekët e infermierët që po shkëlqejnë prej muajsh në këtë luftë, ku e tërë bota po vuan nga të njëjtat probleme e dilema të mëdha vendim-marrëse!”, shkruan Rama në postimet në rrjetet sociale.

Lexo edhe këtë:

“Situata drejt një katastrofe”, Meta letër Manastirliut, Ramës e Ruçit: Merrni masat, rivlerësoni…