Bonucci flet pas humbjes ndaj Barcelonës: Na munguan lojtarë të rëndësishëm, lodhja ka filluar të ndihet!

Leonardo Bonucci, mbrojtësi i Juventusit, foli për mikrofonin e Sky Sport pas humbjes ndaj Barcelonas: “Është koha të shtrëngojmë dhëmbët, të krijojmë një grup, të nxjerrim më të mirën. Arrijmë nga rezultate që nuk janë në lartësinë tonë. Sonte e dinim se do të ishte e vështirë. Kishte mungesa si nga ata, ashtu edhe nga ne, por bëmë shumë gabime dhe Barcelona nuk fal.

Duhet të qëndrojmë kompakt, rruga është e gjatë. Mund të kishim bërë diçka më shumë, duke filluar me veten, megjithëse duke luftuar nxjerr diçka më shumë.

LEXO EDHE  Ernest Muçi i bindur: Tirana fiton derbin, ndaj Partizanit ndryshojmë kurs

Gjëja që më jep shpresë është dëshira për të bërë diçka më shumë me topin në këmbë. Besojmë në këtë rrugë dhe do të përmirësohemi teknikisht”.

“Natyrisht, ka mungesë të përvojës në nivelin Evropian te lojtarët që kanë ardhur. Na mungojnë lojtarë që janë shumë të rëndësishëm për grupin tonë. Ne po luajmë çdo tre ditë, lodhja ka filluar të ndihet”.

“Të rinjtë po rriten dhe ata do të kenë mundësinë ta bëjnë përsëri. Tani ne duhet të mendojmë për kthimin te fitorja në kampionat”.