Europarlamnetari Michael Gahler i bën thirrje Kryeministrit Edi Rama që të repsektojë apelin e Komisionerit për Zgjerimin, Oliver Varhelyi dhe të presë Komisionin e Venecias para se të votojë dekretin
Kryetari për Politikën e Jashtme të Grupit PPE në Parlamentin Europian ka shprehur mbështetjen ndaj Komisionerit për Zgjerimin Varhelyi me një postim në twitter.
Ai e quan deklaratën e Varhelyi të mençur dhe thekson se institucione si Komisioni i Venecias duhet të respektohen nga të gjitha palët e përfshira.
Reagimi i gahler vjen pas atyre të Komisionerit Varhelyi dhe David Lega, që kërkuan nga Kryeministri Rama dhe Parlamenti të mos rivotojnë Kodin Zgjedhor para se Venecia të shprehet lidhur me kërkesën që i është drejtuar nga Presidenti Ilir Meta.
Kreu i Shtetit ka bërë publike dje letrën me 8 pika që i ka drejtuar Venecias, duke u shprehur se ka respektuar opozitën e bashkuar.
Meta tha se përmes kërkesës drejtuar Venecias synohet që të shmanget një krizë e re zgjedhore.
Ndërkohë në anën tjetër Kryeministri Edi Rama ka deklaruar se mirëpret opinionin nga Komisioni i Venecias, por ka shtuar se koha nuk pret dhe dekreti i Presidentit që kthen për rishqyrtim në Kuvend ndryshimet në Kodin Zgjedhor do të rrëzohet.
DENONCO