Këngëtarja e njohur Adelina Ismaili mbetet një ndër artistet më të dashura për shqiptarët, këngët e së cilët vijojnë të dëgjohen edhe sot.
Para dy javësh, këngëtarja nisi rrugëtimin e saj të ri si moderatore me emisionin e saj “Tetë a tetë me Adelinën”. Të shtunën e kaluar ajo kishte si të ftuar Fatmir Limajn për të folur për luftën e kosovës dhe detaje nga e shkuara e tij.
Gjatë intervistës u përmend edhe kënga “Marshi i UÇK-së” kënduar nga Arif Vladi dhe Adelina pretendoi se ky i fundit është paguar për këngën në fjalë.
Këngëtari ka reaguar menjëherë pas kësaj duke mohuar akuzat dhe i kërkoi këngëtares të nxirrte fakte përndryshe do ta hidhte në gjyq.
Adelina ka treguar se nuk trembet fare nga kërcënimet e tij për gjyq dhe tregon se ai është sponsorizuar vërtetë për këngën e UÇK-së.
“Mirëmëngjesi Arif Vladi. A po don gjyq me mua? A i ke paguar taksa Kosovës kur je paguar në koncertet që lajmëroheshin si humanitare? Zvicrës? Gjermanisë? Et. Ky është vetëm fillimi. Ju duhet të qëndroni në emisionin ‘Tetë a tetë’ për të kuptuar se kush vërtet jeni. Vërtet ka kaluar koha kur keni shkelur mbi njerëzit e mirë, kur keni shitur të shenjtën. Ama tash faqen ta qnuki pak”- ka shkruar Adelina.
