Me statusin në Twitter në mbrojtje të gruas së Carlos , Edi Rama i dha përgjigje dhe pyetjes pse e do mandatin e tretë. Sikur mos të mjaftonte statusi i tij në një koherencë të rrallë dhe mendim të njëjtë ishte dhe statusi i pasardhesit Erion Velisë. Duket si reagim i çastit por është një sjellje strategjike. Është mesazh për të tjerët.
Konsolidimi dhe kapja e gjithë pushteteve sjellë marzhinalizim në mendim e sjellje. Kush më shërben i jap cdo gjë dhe e mbroj në çdo rrethanë. Mbi mua nuk ka ligje e shtet. Unë jam Alfa dhe Omega. Unë jam mbreti.
Carlo dhe gruaja e vetë s’duhen shqetësuar. Askush ata s’mund t’i pyesë për asgjë dhe jo me t’i sulmojë.
Çifti ka mbrojtje shtetërore. Atyre nuk u mjafton ç’kanë marrë direkt dhe indirekt nga taksat dhe pronat e shqipëtareve.
Atyre nuk u mjafton shkolla ku do mësonin fëmijët e Tiranes, as Bunkarti , as tenderat e AKSHI-t dhe bashkisë që i marrin me lloj lloj guackash e aktorë figurant.
Atyre nuk u mjafton as babëzia që nuk deklarojnë as rrogat e gazetarëve ose i deklarojne me pagë minimale. Ndaj Edi Ramës i duhet mandati tretë, që Carlo të mbarojë ndërtimin në tokën e shkollës. Mundësisht ta mbarojë pa marrë as leje në bashki që mos të paguajë taksen e lejes, por ta legalizojë më vonë.
Carlos dhe Edi Ramës i duhet një mandat i tretë që të marrë dhe më shumë lekë nga taksat e shqiptarve dhe t’i çojë këto në Itali bashkë me ortakët e vet mafiozë.
Edi Ramës i duhet një mandat i tretë që të ketë kohë Shefqet Kastrati të mbyllë borxhet duke bërë kontrabandë nafte çdo vit e më shumë. Të mbarojë dhe transferimin e portit të Durrësit te porti i vet.
Të privatizojë kodrat e Sarandës, pa hedhur asnjë lek.
Të mbyllë hallet me Rrugën e Kombit.
Të mbaroëj ndërtimin te Sheratoni ku preu pyllin për netë të tëra dhe me një organizim korruptiv bashkia zhvendosi vijën e gjelbërt të Parkut Kombëtar gjoja se ishte gabim në hipotekë.
T’i japë me pagesa me këste nga Buxheti me 3-fishin e kostos, Salillarit dhe Shefqetit dhe rrugën Kukës – Aeroport e nga aty të nxjerrë dhe leket e investuara në aeroport.
Të marrë dhe koncesionin e kolaudimit të automjeteve.
Duhet të gjejë dhe paratë të mbaroj kullën 40 kate te ETC. Duhet të punojnë të qetë çunat problematikë.
I duhet se Salillari ku me Cetin e ku pa Cetin, s’ka vjedhur mjaftueshëm me tenderat e rrugëve.
I duhet dhe Zamirit të mbyllë zaptimin e prones publike të Parkut Kombëtar te Garda e Republikës.
I duhet t’i japë Lenc Gjikurisë sa më shumë pune publike që të mbarojë ndërtimin e vilave të Zamirit në Palasë.
I duhet që askush mos të shqetësojë çunat që po hedhin lekët në kullat e Tiranës dhe resortet e jugut. Një qytetar i thjeshtë mbush një formular të gjatë dhe dhjetra pyetje kur depoziton 5 milionë lekë në bankë por askush nuk pyet burimin e të ardhurave në këto ndërtime.
Me një mandat të tretë, Shqipëria i afrohet Kolumbisë, por jo Europës.
I duhet që inceneratorët të mos punojnë por llogaritë e Klod Mërtirit dhe Ben Blushit në Maltë e Bullgari, të mbushen me lekët e taksave të shqiptarëve.
I duhet që dhe vettingu të mbarojë e të rilindë drejtësia si ia ka ënda Sulltanit.
I duhet një mandat i tretë që të bëjë taksat e shqiptarëve rrush e kumbulla dhe të ndajë pronat e tyre si t’i kishte të babës.
Dhe jam mëse i sigurt që do e marrë, pasi e ka kuptuar herët si funksionon kjo punë. Populli ynë e ka një fjalë të urtë: “Bëju nënën, të thonë baba”./ 27.al/
