Nga Boldnews.al
Është bashkia më e pasur në vend, është kryebashkiaku me manipulimin më të madh politik dhe publik, është kreu i bashkisë së kryeqytetit që pasi të rrit taksat, gjysmën e atyre parave e përdor për luks, paga të punonjësve të saj dhe propagandë.
Ishte viti 2015 kur Erion Veliaj ngjiti tapetin e kuq në ato pak shkallë të bashkisë Tiranë. Premtoi shumë, ku dy prej më kryesorve ishin: nuk do të rris taksat; dhe nuk do lëshoj leje ndërtimi, duke vendosur moratorium. Sot, pas pesë vitesh Lali Eri është boss… Në 5 vite ka thithur rreth 700 milionë euro. Po nga kanë ardhur këto shuma marramendase?
Tre janë taksat dhe rritje tarifash shërbimi. Së pari ka trefishuar çmimin e ujit të pijshëm; vendosi tarifë shtesë të pastrimit dhe parkimit dhe gjithashtu taksë të rritur për infrastrukturën dhe taksë për arsimin. Që të gjithë këto zëra, shtuar edhe taksën e shfrytëzimit të ambienteve nga biznesi i vogël, e kthyen Bashkinë Tiranë në një hambar të madh të ardhurash.
Por ndërsa sot bëhet bilanci i punës 5-vjeçare të Lali Erit, ka dalë një shifër e frikshme, pasi rreth 48% e buxhetit të bashkisë ka shkuar për paga dhe shpenzime operative si; automjete, zyra, karburant dhe propagandë.
Një tjetër sektor që bashkia mburret se ka siguruar të ardhura janë pikërisht tarifat e parkimeve dhe gjobat që vendosen për automjetet e qytetarëve. Në fund del një shifër e frikshme e të ardhurave të bashkisë të cilat në gati 50 % të të ardhurave, apo 340 milionë euro përfunduan për luguninë e madhe të punonjësve, zyrat e luksit dhe projekteve që kanë për qëllim vetëm propagandën dhe shitjen e një imazhi të sajuar.
Për botën vituale të Veliajt po paguhet kaq shumë dhe ato para dalin pikërisht nga taksat qytetare, që në fund të muajit paguajnë mjaft shtrenjt ujin e pijëshëm i cili nuk pihet, u ikin nga xhepa shuma për “taksë arsimi”, apo edhe infrastrukture, ku kjo e fundit vilet dy herë, nga pushteti qëndror dhe ai lokal, në kundërshtim me kushtetutën e vendit.
Vetëm nga taksa e drejtëpërdrejtë mbi qytetarët Bashkia Tiranë ka marrë 110 milionë euroduke ja “grabitur me marifet” pensionistit, punëtorit dhe nëpunësit të thjesht, i cili gati 30 % të pagës është i detyruar ti lerë në tarifën e ujit, taksën e banesës, të pastrimit, apo edhe arsimit.
Një pjesë e mirë e këtyre parave vjetore, shkojnë vetëm për pagat e Bashkisë. Në të dhënat e vitit 2018, nga 16,3 miliardë që ishte buxheti, 4,1 miliardë kishin shkuar për rroga, ndërsa 5.1 miliardë për shpenzime operative. Ndërsa vetëm 7 miliardë nga taksat dhe buxheti i shtetit kanë shkuar për investime. E njëjta gjë ka vijuar dhe në vitin 2019, ku shpenzime të bashkisë rezultojnë 11 miliardë dhe investime 7 miliardë nga buxheti prej 18 miliardë lekësh, ose rreth 150 milionë euro.
Veliaj sot shfaq veten në çdo televizion, portal dhe media të tjera, ku pjesën më të madhe e ka futur “nën sqetullën e tij”. Kjo është edhe arsyeja që është kthyer në “mbretin e propagandës”, duke shpërdoruar në pesë vite mbi 340 milionë euro për luksin, pagat dhe propagandën.
