Serie A vazhdon të luajë javën e 5-të të kampionatit edhe ditën e sotme. Në program janë pesë takime.
Juventus-Verona do të jetë kryefjala e ditës me takimin që do të luhet në orën 20:45. Për momentin bardhezinjtë kanë grumbulluar vetëm 8 pikë, madje fitorja me skuadrën e Gatuzos erdhi në tavolinë, si pasojë e mosparaqitjes së ekipit të Napolit në Piemonte. Pavarësisht rezultateve skuadra duket e qetë, për më tepër siç dihet mungon edhe ylli i skuadrës, si dhe golashënuesi më i mirë i ekipit Cristiano Ronaldo.
Me Andrea Pirlon në timon drejtuesit janë të ndërgjegjshëm që do të nevojitet shumë kohë që gjërat të funksionojnë vërtet sic duhet. 41-vjecari nga Brescia ka besimin e plotë të drejtuesve, dicka që është thelbësore në një marrëdhënie të tillë.
Përvec Cristiano Ronaldo-s, për Juventusin do të mungojë gjithashtu edhe Federico Chiesa, që u ndëshkua me karton të kuq në takimin me Crotone-n, sidoqoftë trajneri Pirlo nuk do të mund të mbështetet as te emra të tillë si De Ligt, Alex Sandro dhe Chiellini.
Ndërkohë, takimi i parë i së dielës i vlefshmëm për javën e 5-të të Serie A, është ai mes Cagliarit dhe Crotones, takim që sapo ka startuar. Në orën 15:00 do të luhen dy takime, Benevento-Napoli dhe Parma Spezia, më pas në orën 18:00, Fiorentina do të presë në Firence Udinese-n.
Java e 5-të e Serie A, mbyllet të hënën me super përballjen Milan-Roma.
