Greva e urisë së naftëtareve në Ballsh ka hyrë në ditën e 11-të, ndërsa njëra prej grave është zëvendësuar, pasi ajo u dërgua me urgjencë në spital.
Nga raportimet mësohet se naftëtarja Silva Fejzaj u dërgua me urgjencë mbrëmjen e djeshme në spitalin e Ballshit, pasi gjendja shëndetësore iu rëndua.
Gratë shprehen të vendosura për ta vijuar duke mos hequr dorë nga kërkesat e tyre për pagat e prapambetura.
“Padyshim do ta vazhdojmë, nuk kemi se ku të shkojmë. Të na japin lekët të ushqejmë fëmijët, na presin të shkojmë me lekë në shtëpi, t’u blejmë bukë dhe ilaçe”, tha njëra prej tyre.
Kryeministri Edi Rama përmes rrjeteve sociale u ka kërkuar grave naftëtare të ndëërpresin grevën e urisë dhe të ulen të bisedojnë për zgjidhjen e problemeve. Rama u shpreh se qeveria e tij nuk ulet për bisedime nën presion, ndërsa ka premtuar zgjidhje të kërkesave, edhe pse i konsideron ato jo si përgjegjësi të Qeverisë.
Por, grevistet shprehen se nuk do ta lënë grevën për gjysëm deri sa të marrin pagat e tyre të prapambetura. Ato deklarojnë një zëri se nuk do të dorëzohen deri në realizimin e kushteve të tyre.
Madje u bëjnë thirrje edhe grave politikane si dhe amabasadores amerikane Yuri Kim të shohin gjendjen e tyre dhe të solidarizohen me to.
Një natë më parë njëra prej grevistëve u dërgua në spital për ndihmë mjekësore, pasi gjendja e saj u përkeqësua. Ajo tashme është dërguar në shtëpi, pasi vendi me lagështirë dhe mungesa e ushqimit kishin rënduar shëndetin e saj.
“Të gjitha grave të pralamentit shqiptare, ambasadores Yuri Kim, të vijnë dhe të na shikojnë këtu. Na mjafton një mbështetje e tyre. Kush na vjen për poltikë le të ike. Të shohë gjendjen tonë shëndetësore. Greva do të vazhdojë deri në vdekje. Ne nuk e lëmë grevën e urisë. Duke fillua nga nesër do të marrim edhe fëmijët. Përderi qeveria nuk po reagon, kemi menduar të sjellim fëmijët këtu”, thanë gratë
