Humbja e parë për Evertonin në Premier League ka ardhur në javën e 6-të. Ekipi nga Liverpuli u mposht 2-0 në fushën e Southampton, me të dy golat që u realizuan në pjesën e parë.
James Ward-Prowse i dhuroi avantazhin “Shenjtorëve” në minutën e 27-të, teksa tetë minuta më vonë erdhi dyfishimi me anë të Che Adams. Miqtë e mbyllën takimin me një lojtar më pak.
Lucas Digne kreu një faull të dyfishtë në minutën e 72-të dhe u largua me të kuqe. Pavarësisht humbjes, Everton e ruan kreun e Premier League me 13 pikë, por aq sa ka edhe Liverpooli i Jurgen Klopp.
Për të kaluar në Serie A, Napoli ka arritur një fitore me përmbysje 1-2 Roberto Insigne kaloi skuadrën e Pippo Inzaghit në avantazh pas gjysmë ore lojë, ndërsa miqtë reaguan në fraksionin e dytë. Lorenzo Insigne, të cilit iu anulua një gol, dhuroi spektakël me goditjen e tij në minutën e 60-të.
“Predha” e kapitenit përfundoi në rrjetë, teksa shtatë minuta më pas erdhi edhe goli i fitores me anë të Andrea Petagna. Elseid Hysaj dhe Amir Rrahmani e ndoqën gjithë ndeshjen nga pankina.
Me këtë fitore, ekipi i Gattusso, tashmë numëron 11 pikë, një më pak se Milani kryesues (ka luajtur një takim më pak).
