Futbolli në Shqipëri vijon të jetë në bojkot, pasi Liga Profesioniste i ka dërguar katër kërkesa qeverisë lidhur me tatimet, kamatvonesat dhe Ligjin e Sponsorizimeve.
Në këto kushte, të martën në një takim mes përfaqësuesve të Qeverisë në Ministrinë e Financave dhe Ligës, u gjet dakordësia për 3 nga 4 pikat, ndërsa “topi” ka shkuar te Kryeministri Rama.
Dita e sotme është vendimtare për ecurinë e sezonit, teksa besohet se palët kanë gjetur dakordësinë ndërsa gjithçka për kërkesat e Ligës do të marrë përgjigje sot nga vetë Kryeministri.
Nëse sot jepet një përgjigje përfundimtare për kërkesat, futbolli në Shqipëri do të nisë të mërkurën e javës që vjen me javën e parë.
