Vaksina kundër gripit, 13 persona humbin jetën në Korenë e Jugut

Vaksina kundër gripit sezonal ka shkaktuar 13 viktima në Korenë e Jugut, ndërkohë që zyrtarët e shëndetit publik atje kanë refuzuar që të pezullojnë programin e vaksinimit kundër gripit sezonal.

Autoritetet shëndetësore thanë se nuk kanë gjetur lidhje të drejtpërdrejtë mes këtyre vdekjeve dhe vaksinave. Në mesin e viktimave është një djalë 17 vjeç. Në këtë program të vaksinimit, i cili është falas, pritet të përfshihen rreth 19 milionë adoleshentë dhe të moshuar.

“Numri i vdekjeve është rritur, por ekipi ynë sheh mundësi të vogël që vdêkjet janë rezultat i vaksinave”, tha Jeong Eun-kyeong nga Agjencia Koreane për Kontrollimin dhe Parandalimin e Sëmundjeve.

LEXO EDHE  E pazakontë/ Vajza bën foto provokuese përpara arkivolit të të atit

Koreja Jugore e rriti me 20 për qind numrin e vaksinave kundër gripit këtë vit për shkak të rrezikut për personat që mund të preken njëkohësisht nga koronavirusi dhe gripi dhe mbingarkimit të mundshëm të spitaleve.

“Unë kuptoj dhe më vjen keq që njerëzit janë të shqetësuar për vaksinën”, tha ministri i Shëndetësisë, Park Neung-hoo të enjten, por konfirmoi se zbatimi i programit të vaksinimit do të vazhdojë.