Plotësohet organika e Dajës, Partizanit i rikthehet sulmuesi titullar

Partizani vijon përgatitjet për sezonin e ri. Të kuqtë nën urdhrat e trajnerin Daja po stërviten në kompleksin “Pepa” në Elbasan dhe grupi tashmë është i plotë. Problemi i vetëm në kampin e kuq ishte gjendja e Solomon.

Sulmuesi mungoi në disa seanca stërvitore për shkak të një viroze të lehtë dhe tani është rikuperuar plotësisht duke u bashkuar me pjesën tjetër të skuadrës në stërvitje. Një lajm i mirë për trajnerin Daja që do të ketë në dispozicion sulmuesin titullar pasi Solomon shihet si një nga lojtarët kyç në formacionin e Partizanit.

LEXO EDHE  Milan në kërkim të zëvendësuesit të Kjaer

Pas shumë problemesh dëmtime më në fund Partizani është i plotë dhe ndalesa e kampionatit prej bojkotit i ka ardhur në ndihmë skuadrës së kuqe. Kujtojmë që Partizani ishte skuadra e vetme e Superligës shqiptare që nuk arriti të bënte merkato për shkak të bllokimit nga FIFA për çështjen Çinari.