Një aksident ka ndodhur këtë mbrëmje në Lushjne. Mësohet se dy motomjete janë përplasur me njëra tjetrën.
Për pasojë, një prej drejtuesve ka ndërruar jetë, ndërsa tjetri është plagosur dhe ndodhet në spital.
Identitetet e tyre ende nuk dihen ndërsa policia ndodhet në vendngjarja për të zbardhur shkaqet dhe dinamikën e aksidentit.
Lushnjë/Informacion paraprak
Sot rreth orës 18:50, në fshatin Halilaj, Lushnjë, shtetasi V. B., 54 vjeç, banues në fshatin Verri, Fier, duke drejtuar një motomjet, është përplasur me motomjetin me drejtues shtetasin F. K., 43 vjeç, banues në Halilaj.
Si pasojë e përplasjes ka ndërruar jetë shtetasi V. B., dhe është dëmtuar shtetasi F. K., i cili ndodhet në Spitalin Lushnjë jashtë rrezikut për jetën.
Grupi hetimor po punon për zbardhjen e plotë të ngjarjes.
