Kryetari i Partisë Demokratike, Lulzim Basha, gjatë një konference për mediat ka prezantuar platformën anti-korrupsion.
“Në këtë gjendje të jashtëzakonshme kemi evidentuar nevojën për masa të jashtëzakonshme. A ka situatë më të jashtëzakonshme se sa në momentin më të vështirë paratë e qytetarëve nuk dihet ku shkojnë”, tha Basha.
Ai tha se ligji anti-mafia do të ketë amendamente, përmes të cilave do të mundësohet anulimi i kontratave korruptive që janë përfituar nga oligarkë të lidhur me qeverinë.
“Kush fshihet pas aferës së inceneratorëve? Kush është peshku i madh? Padia e sotme ka për qëllim të nxisë prokurorët të bëjnë punën e tyre, të mos frikësohen nga mafia.
Një pjesë e mediave nuk kanë transmetuar lidhjet nga Shara, nuk besoj se është problem teknik. Mediave po ju bëhet shantazh për të mos transmetuar denoncimet e kësaj afere.
Brenda një dite të vetme ka bërë gjithë ato ligje. Në Verona peshku i madh është ish-kryetari i bashkisë; në Zimbabve, është ish-ministri. Po në Shqipëri? SPAK ti japë përgjigje kësaj pyetje. Pse këtu ne nuk kemi asnjë arrestim të vetëm? Prokuroria duhet të japë një përgjigje një orë edhe më parë. Sot do të bëhet e mundur që të parandalohen këto afera? Si do ju kthehen paratë shqiptarëve.
E para do të jetë një prezantim i shkurtër i platformës tonë anti-korrupsion. Platforma jonë anti-oligarki dhe anti- korrupsion do të dënojë fajtorët dhe do t’i rikthejë paratë shqiptarëve.
Një ndër ligjet e para që do të miratohet dhe zbatohet nga qeveria e PD, ligji i ri anti-mafia. Duhen masa ekstreme për të zgjidhur këto lloj situatash ekstreme. S’ka më ekstreme se kjo situatë ku jemi. Ligji i ri anti-mafia, çdo koncesion, tender, licencë korruptive, në thyerje të ligjit është e pavlefshme”, u shpreh Basha.
