Tre shqiptarë të moshës 30, 31 dhe 36 vjeç, u arrestuan nga policia italiane pasi në makinën me të cilën udhëtonin u gjetën 1.8 kg heroinë. Ngjarja ka ndodhur në Monza dhe sipas mediave italiane, kontrolli policor ka vijuar në banesën e një prej të arrestuarve, ku janë zbuluar edhe 4.2 kg të tjerë.
Gjithçka filloi në pasditen e së hënës së 12 tetorit, kur karabinierët ndaluan një Volkswagen Polo për një kontroll rutinë.
Në bordin e automjetit, i drejtuar nga një shqiptar 30 vjeç banues në Arcore dhe me precedentë të mëparshëm penal u gjetën tre kallëpe heroine, për një total prej 1.8 kg, të cilat ishin fshehur brenda një zgavre e krijuar në makinë në vendin e pasagjerit.
Kontrollet vazhduan më pas në Arcore në shtëpinë e burrit, ku së bashku me drogat e tjera, karabinierët kapën gjithashtu dy bashkëpunëtorët, të cilët përfunduan në pranga.
Pas një kontrolli në një apartament që me sa dukej normal, por në të vërtetë ishte një vend i fshehtë për fshehje droge u gjetën në fakt, katër çanta që përmbanin 4.2 kilogramë heroinë dhe rreth 300 gram marijuanë. Ato ishin fshehur në brendësi të një muri pas kontrollit me qentë zbulues.
Së bashku me 30- vjeçarin, një shtetas shqiptar 31 vjeç me banim në Robbiate (Lecco) dhe një bashkatdhetar 36 vjeç me banim në Sorisole, në provincën e Bergamos, u arrestuan.
Të tre të arrestuarit e sotëm janë transferuar në burgun e Monza-s , ndërsa droga, për një total prej 6 kilogramë heroinë, nëse do të hidhej në treg do të jepte më shumë se 250 mijë euro.
