Me shpejtësi deri 168 km/ orë, çfarë ndodhi gjatë natës/ Arrestime dhe pezullime lejesh drejtimi (Video)

Katër drejtues mjetesh janë arrestuar dhe 20 leje drejtimi janë pezulluar. Është ky bilanci i kontrolleve të ushtruara nga Policia Rrugore në aksin Sauk-Teg.

Nga kontrolli me radar, janë regjistruar shpejtësi nga 138 km/h – 168 km/h.

Policia njofton se janë arrestuar 4 drejtues mjetesh, nga të cilët 3 për drejtim mjeti në gjendje të dehur dhe 1 që drejtonte mjetin pa Leje Drejtimi.

“20 Leje Drejtimi të pezulluara për disa orë kontroll gjatë mbrëmjes së të shtunës dhe deri në orën 01.00 të mëngjesit të sotëm, nga këto 10 për shpejtësi tej normave të lejuara dhe 10 për drejtim mjeti nën efektin e alkoolit apo në gjendje të dehur.

4 drejtues mjetesh të arrestuar, nga të cilët 3 për drejtim mjeti në gjendje të dehur dhe 1 që drejtonte mjetin pa Leje Drejtimi.

LEXO EDHE  E rëndë në Librazhd, i riu hidhet nga kati i 5-të, niset drejt Traumës

Edhe pse kontrollet janë shtuar së tepërmi në këto akse me risk, edhe pse gjatë fundjavës ka akoma më shumë kontroll, përsëri ka shumë drejtues mjetesh që abuzojnë me shpejtësinë dhe me alkoolin në timon.

Për disa orë monitorim me Radar janë evidentuar 10 drejtues mjetesh që qarkullonin me shpejtësi që varionin 138 km/h – 168 km/h në aksin Sauk – Teg, , shpejtësi që vrasin jetën”, shprehet policia përmes një njoftimi.

Kontrollet kanë vijuar dhe vijojnë në rrugët e kryeqytetit duke përdorur dragerat dhe si rezultat i kontrolleve deri në këto momente janë evidentuar 7 drejtues mjetesh duke drejtuar mjetet nën ndikimin e alkoolit në masë që varionte nga 0.24 mg/l deri 0.37 mg/l.

Dhe tre drejtues mjetesh që drejtonin mjetin në gjendje të dehur në masë deri në 1.08 mg/l