Premier League njihet për ndeshjet me ritëm dhe emocione të jashtëzakonshme dhe një gjë e tillë ka ndodhur edhe sot. Në derbin e Londrës kundër West Ham në shtëpi, Tottenham kryesonte qetë 3-0 me golin e Son dhe dopietën e Kane të gjitha gola të shënuar në pjesën e parë.
Tatëpjeta e skuadrës së Mourinhos fillon pas aktivizimit të Gareth Bale në minutën e 72-të. Ekipi i Moyes zgjohet dhe shënon dy gola brenda 3 minutash 82’ dhe 85’ dhe më pas atë final, një eurogol që gjunjëzon Tottenham në një 3-3 spektakolar në minutën e 4 shtesë.
Një rezultat jashtëzakonisht zhgënjyes për Tottenham që pas fitores 1-6 në “Old Trafford” ndaj United, tregon që skuadra është naive dhe e paqëndrueshme.
