Premtimi i Bashës për taksat: Do paguajnë maksimumi 70 mijë lekë në vit

Kryetari i PD, Lulzim Basha ka sqaruar me detaje programin për biznesin e vogël duke theksuar se Rama mashtroi shqiptarët me premtimin e tij se do zerohet taksa për biznesin e vogël.

Nëse do të bëhet kryeministër, Basha thotë se do të vendosë taksë 0.5% të xhiros vjetore dhe shton se biznesi më i madh ndër më të vegjlit do të paguajë vetëm 700 mijë lekë të vjetra në vit.

“Biznesi i vogël pa taksë është një gënjeshtër e Ramës, sepse çdo biznes i vogël sot torturohet me taksa lokale. Mesatarisht biznesi i vogël, paguan sot deri në 7 herë më shumë taksa.

LEXO EDHE  Lubonja: Arsyet pse kush krijon parti para zgjedhjeve është i blerë nga Rama

Nesër do bëjmë që biznesi nuk do përballet më me 10 lloje inspektorësh, por do ketë detyrim vetëm 0.5% të xhiros vjetore. Biznesi më i madh ndër të vegjlit do paguajë maksimumi 700 mijë lekë të vjetra në vit.

Kush i paguan rregullisht, i vendoset një pullë fiskale në hyrje të dyqanit dhe nuk do të shohë në presion tatimorësh apo inspektorësh”, tha Lulzim Basha.