341 qytetarë që nuk mbanin maskën janë gjobitur sot nga policia. Ata janë kapur në rrugë pa maskë dhe është vendosur masa administrative prej 3 mijë lekë të reja.
Gjithashtu 11 persona janë shoqëruar në komisariate, pasi kanë refuzuar të tregojnë kartën e identitetit, duke bërë që të mos vendoseshin dot gjobat.
“Gjatë kontrolleve janë konstatuar edhe qytetarë që nuk i kishin vendosur maskat dhe për këto raste, shërbimet e Policisë në të gjithë vendin kanë vendosur 341 masa administrative me vlerën 3.000 lekë secila.
Gjithashtu, shërbimet e Policisë kanë shoqëruar në ambientet e Policisë në të gjithë vendin, 11 shtetas që nuk i janë bindur urdhrit të punonjësit të Policisë për të treguar dokumentin e identifikimit, me të cilin punonjësi i Policisë duhet të plotësonte fletën e gjobës për shkeljen e konstatuar”, – thotë Policia.
