E mail-et e djalit të Biden, mori 10 milion dollarë nga miliarderi kinez i akuzuar për korrupsion

Hunter Biden ka marrë një tarifë vjetore prej 10 milion dollarësh nga një miliarder kinez i cili është akuzuar për korrupsion dhe me të cilin kishte një biznes të përbashkët, tregon një e-mail i Gushtit 2017 nga Biden.

Paratë ishin vetëm për “prezantime”, tha Biden, djali i të nominuarit për president të Partisë Demokratike në SHBA, Joseph R. Biden. Një email tjetër drejtuar Hunter Biden nga një konsulent thotë se 10% e aksioneve në një kompani të pa përmendur me emër, do të shkojnë te “djali i madh?” Identiteti i “Djalit të madh” nuk u zbulua.

Hunter Biden u lidh me miliarderin, Ye Jianming, kryetar i konglomeratit CEFC China Energy Co, gjatë mandatit të babait të tij si zëvendëspresident i SHBA-ve.

Email-et u raportuan për herë të parë nga “The New York Post”, të Enjten.

Gazeta raporton se siguroi mesazhet, dokumentet dhe fotot nga një kompjuter portativ MacBrook Pro i zotëruar nga Hunter Biden, përmes avokatit personal të Presidentit Trump, Rudolph W. Giuliani.

Kandidati demokrat Biden ka mohuar çdo shkelje ligji.

Stafi i fushatës së tij tha se hetimet ndaj Z. Biden dhe Hunter kanë “arritur në të njëjtin përfundim: që Joe Biden zbatoi politikën zyrtare të SHBA ndaj Ukrainës dhe nuk bëri asnjë keqbërje”.