Ish-ministri i Shëndetësisë dhe ish-deputeti demokrat, Tritan Shehu, ka reaguar ndaj masave anti-Covid që po aplikon qeveria Rama. Shehu shkruan se më në fund Kryeministri u përmend, por ai vetëm kërcënon.
“Qeveria të dëgjoje opozitën e të realizojë detyrat e saj që qytetarët të realizojnë të tyret. Maskat një element i rëndësishëm në këtë përballje. Ato nuk janë copa lecke, por kanë standartet e tyre, detyra e Shtetit t’i sigurojë ato së bashku me: Testimet masive, rimbursimin e mjekimit ambulator, rolin e mjekut të familjes”, shkruan Shehu.
Postimi nga Tritan Shehu
“Më në fund Kryeministri u përmend, por përsëri vetëm kërcënon! Qeveria të dëgjoje opozitën e të realizojë detyrat e saj që qytetarët të realizojnë të tyret.
Maskat një element i rëndësishëm në këtë përballje.
Ato nuk janë copa lecke, por kanë standartet e tyre, detyra e Shtetit t’i sigurojë ato së bashku me:
-Testimet masive.
-Rimbursimin e mjekimit ambulator.
-Rolin e mjekut të familjes.
-Cilësinë e mjekimit në spitale etj.
-Vaksinimin gratis të popullsisë.
Nuk duhen pasur iluzione, Rama nuk mund të jetë promotor i mbrojtjes sociale të qytetareve dhe as i veprimeve demokratike.
Opozita po përgatitet për qeverisjen mbas 25 Prillit”
