Në kuadër të masave kufizuese për parandalimin e përhapjes së koronavirusit, duke nisur nga dita e sotme, 15 tetor, qeveria e ka bërë të detyrueshme mbajtjen e maskës së çdo ambient.
Kryeministri Edi Rama përmes disa fotove të publikuara në rrjetet sociale, sjell në vëmendje pandeminë e vitit 1918 zgjati 2 vjet, pati 3 valë, infektoi 500 milionë persona, vrau 50 milionë njerëz dhe shkak për këtë ishte mosrespektim i masave mbrojtëse.
“Me këtë album të vitit 1918, kur pandemia zgjati 2 vjet, pati 3 valë, infektoi 500 milionë persona, vrau 50 milionë njerëz, prej të cilëve pjesën dërmuese gjatë valës së dytë, si pasojë edhe e mosrespektimit masiv të rregullave pas hapjes së parë, duke ju kujtuar se nga sot maska është e detyrueshme kudo jashtë shtëpisë”, shkruan Kryeministri.
Edhe në fillimet e pandemisë, atëherë kur mori vendimin për izolimin e plotë të vendit që nisi në mars dhe u mbyll në fund të majit, Rama pothuajse çdo ditë publikonte pamje me arkivolë, që sipas tij, ishin viktimat e shkaktuara nga Covid-19.
