Kryeministri Edi Rama e konsideroi si një farsë procesin e zgjedhjeve në Partinë Demokratike, ndërsa theksoi se kur të votëbeson populli nuk ka pse të bëhen zgjedhje në partinë fituese.
Rama u pyet sepse nuk ka organizuar zgjedhje në PS, ndërsa tha se “ka shmangur një farsë, si ajo që po zhvillohet në PD”.
“Për çfarë duhet të organizojmë zgjedhje, kur ne fituam zgjedhjet dhe u votëbesuam nga populli? Të bënim ndodnjë farsë me ndonjë kandidat që gjoja kandidon? E shikoni se çfarë po ndodh në PD? Votojnë 400 anëtarë dhe dalin 600 vota, pastaj me porosi heqin 7 emra nga një listë me 40 apo 50 kandidatë”, tha Rama.
Duke iu përgjigjur akuzave dhe deklaratave të kreut të PD, Rama tha se “Lulit i duhet nga një shpullë 1 herë në muaj, kjo është shprehje e dashurisë, sepse kush të rreh të do. Sot do t’ju ndriçoj me disa dokumente për Lulin”.
