Ish-ministri i Drejtësisë, Ylli Manjani, ka reaguar ndaj qëndrimeve të shfaqura nga disa personazhe që i janë bashkuar Rilindjes, ndërsa kanë deklaruar se më parë ishin demokratë. Duke e konsideruar një llogjikë të frikshme, Manjani shprehet se “llogjika që partia është mbi të gjitha është më e frikshmja që shqiptarët kanë vuajtur në kurriz”.
“Me këtë llogjikë, pra partia na jep bukë, na fut në punë, na ndërton pallate shumëkate, oxhaqe të larta, na sjell letrikin te shpeija etj etj, ndenji në pushtet Partia Komuniste alias Partia e Punës.
Tjetër gjë, që po e njëjtja parti alias PSSH, shalon në dru, mbyt në gjoba e fut në burg njerëz kot fare. Pa ligj, pa prova e pa një minimum drejtësise! Rëndësi ka të bëjë paret e taksave, pra edhe të aktores sonë, rrush e kumbulla dhe tua shesë njerëzve si nder të madh që po u ndërton ujsjellës. A tha se partia i nxjerr paret nga xhepi i vet!”, shkruan Manjani.
Postimi nga Ylli Manjani
Një aktore e re ka rrëfyer publikisht se “…isha demokrate por u bëra Socialiste, sepse kjo parti punëmbaruar ka bërë ujësjellës në Tropojë..”
E respektoj për zgjedhjen politike që bën, por rrefuzoj llogjikën që përdor.
Llogjikë e frikshme!
Me këtë llogjikë, pra partia na jep bukë, na fut në punë, na ndërton pallate shumëkate, oxhaqe të larta, na sjell letrikin te shpeija etj etj, ndenji në pushtet Partia Komuniste alias Partia e Punës.
Tjetër gjë, që po e njëjtja parti alias PSSH, shalon në dru, mbyt në gjoba e fut në burg njerëz kot fare. Pa ligj, pa prova e pa një minimum drejtësise! Rëndësi ka të bëjë paret e taksave, pra edhe të aktores sonë, rrush e kumbulla dhe tua shesë njerëzve si nder të madh që po u ndërton ujsjellës. A tha se partia i nxjerr paret nga xhepi i vet!
“Partia ka vendosur të ndërtojë hekurudhën që ju vetë do ta ndërtoni”- ishte gallata që përhapej asokohe për të kundërshtuar propagandën e komunistësve.
Ja ku jemi sot pra në të njëjtën propagandë e me të njëtjat efekte.
Llogjika që partia është mbi të gjitha është më e frikshmja që shqiptarët kanë vuajtur në kurriz.
Nejse, harrova që kishte aktorë që kërkonin shembej Teatri Kombëtar ku identifikuan vetë si artistë.
Nuk e dija që paska patur aktorë “punëmbaruar” pro shembjes së Teatrit Eksperimental.
