Tashmë dihet se pasojat që Covid-19 lë në trup janë të mëdha. Mund të keni dëmtime të zemrës, mushkërive, sistemit nervor, lodhje të përgjithshme, etj.
Covid i gjatë ose ndikimi afatgjatë i infeksionit të koronavirusit mund t’i prekë njerëzit në katër mënyra të ndryshme. Mund të ketë një ndikim të madh psikologjik te njerëzit që jetojnë me Covid-19 për një kohë të gjatë, thotë raporti i Institutit Kombëtar për Kërkime Shëndetësore, në Britani të Madhe.
Ata kanë nevojë për më shumë mbështetje dhe personeli i kujdesit shëndetësor duhet të zotërojë informacione më të mira.
Studiuesit të shqetësuar nga “Covid i gjatë”:
Shumicës së njerëzve u thuhet se do të shërohen nga infeksionet e lehta të koronavirusit brenda dy javësh dhe nga sëmundja më serioze brenda tre javësh. Por raporti thotë se mijëra njerëz mund të jetojnë me Covid-19 për shumë kohë, edhe pasi të kenë dalë negativ ndaj tij, simptomat do të shfaqen shpesh.
Studiuesit të shqetësuar nga “Covid i gjatë”:
Në studimin e fundit, ku u përfshinë 14 njerëz që kishin kaluar koronavirusin, u zbuluan simptoma të përsëritura që prekin gjithçka, nga frymëmarrja, truri, zemra dhe sistemi kardiovaskular te veshkat, zorra, mëlçia dhe lëkura.
Këto simptoma mund të vijnë për shkak të katër sindromave të ndryshme:
-dëmtim i përhershëm i mushkërive dhe zemrës
-sindromi i kujdesit intensiv
-sindromi i lodhjes postvirale
-vazhdimi i simptomave Covid-19
