Prindërit e 40-vjecarit të humbur në Vlorë, Fejzi dhe Mjaftime Ngucaj kanë folur për mediat duke thënë se dyshojnë që Ermalin e kanë rrëmbyer pasi kanë humbur kontaktet prej katër ditësh. Ata kanë zbuluar bisedën e tij të fundit me bashkëshorten dhe më pas zhdukjen e tij.
“Djalin e kanë rrëmbyer. 4 ditë pa asnjë kontakt. Për herë të fundit ka folur me nusen. I ka thënë: Ik se ngatërrova rrugën.
Hera e fundit që ka fol me nusen ka qenë ditën e hënë. Më pas telefoni është fikur. Nusja thotë se dyshojnë ti ketë ndodhur gjë. Hera e parë që Ermali nuk komunikon për kaq gjatë. Makina është gjetur e braktisur në një tjetër fshat”, tha prindërit.
Ndërsa babai i Ermal Ngucaj shtoi se të hënën u kthyen nga Italia dhe prisnin që i biri ti merrte në Vlorë. Pas mungesës së tij njoftuan policinë ndërsa në makinën e braktisur janë gjetur rrobat e 40-vjecarit.
“Të hënën u kthyem nga Italia, po prisnim të na merrte djali në Vlorë. Nuk kemi fol më. Nuk dimë që djali të ketë pasur probleme. Kemi lajmëruar policinë. Në makinë janë gjetur edhe rrobat e Ermalit”, tha Fejzi Ngucaj.
Përpara një viti, 40-vjeçari, u përfshi në një konflikt për një biznes gurore në Lepenicë.
Ai u akuzua nga një djalë 19-vjeçar nga fshati Kotë e Vlorës, Paolo Durmishaj se e kishte aksidentuar me makinë ku si pasojë i riu mbeti i plagosur.
Paulo Durmishaj asokohe rrëfeu se konflikti për biznesin e gurores vazhdonte prej 4 vitesh.
Dyshohet se ai është rrëmbyer, por nga blutë e Vlorës, ende nuk ka ndonjë njoftim zyrtar për ngjarjen në fjalë.
LEXO EDHE:
EMRI/ Një vit më parë doli nga burgu, detaje nga zhdukja e 40-vjeçarit në Vlorë
