Në pritje të kthimit të lojtarëve të fundit të përfshirë në ekipet kombëtare, te Milani vëmendja është kthyer krejt në drejtim të derbit.
Pioli dëshiron të vazhdojë nga siguritë e periudhës së fundit dhe brenda grupit të tij ekziston vetëm një çështje e madhe e formacionit për kuqezinjtë dhe gjithçka sillet rreth Ante Rebiçit.
Pas riaftësimeve të Ibrahimovicit dhe Romangolit, në ambientin kuqezi ka pesimizëm në lidhje me shërbimin e kroatit dhe stafi teknik, pa Boneran, po vlerëson alternativat.
Në këto kushte Kastijeho duket se është përpara në hierarki, por zgjidhjet nuk mungojnë. Ibrahimoviç do të jetë rregullisht në qendër të sulmit pasi ka humbur ndeshjet kundër Krotones dhe Specias, ndërsa Pioli do të jetë në gjendje të llogarisë kapitenin Romanjoli krah Kjaerit në prapavijë.
Pjesa që duhet të mbushet me kujdes, megjithatë, është ajo në korsinë e majtë të sulmit e cila është lënë e lirë nga Rebiçi pas dëmtimit të bërrylit. Kontrolli i ditës së sotme do të përshkruajë një pamje më të saktë të gjendjes së 26- vjeçarit, por nëse nga njëra anë kroati po bën presion për t’u rikuperuar sa më shpejt të jetë e mundur, nga ana tjetër nga mjedisi kuqezi filtron pesimizmi për një aktivizim të mundshëm në derbi.
Ky është problemi mbi të cilin Stefano Pioli po punon duke marrë parasysh edhe pozicionin strategjik në të cilin do të veprojnë njëkohësisht, por si kundërshtarë, dy lojtarë të mëdhenj si Teo Hernandez për Milanin dhe Hakimi për Interin.
Për këtë arsye, zgjidhja e Rafael Leaos bëhet e ndërlikuar, një zgjedhje që do të çekuilibronte tej mase “Djallin” duke marrë parasysh zbritjet e vazhdueshme të mbrojtësit francez dhe prirjen e dobët të portugezit për të ndihmuar në mbrojtje.
Formacioni i mundshëm:
4-2-3-1: Donnaruma, Kalabria, Kjaer, Romangoli, Hernandez, Kesi, Benaser, Kastijeho, Calhanoglu, Selemekersm, Ibrahimovic
