Drejtori i Spitalit të Korçës ka folur për të gjitha skenarët e përballimit të situatës së koronavirusit. Ai tha se ky spital i ka të gjitha kapacitetet për përballimin e situatës por shtoi se duhet bashkëpunimi i qytetarëve për të respektuar masat e vendosura nga ekspertët.
Ai tregoi edhe mënyrën e trajtimit të pacientëve të cilët dyshohet se janë të prekur nga Covid-19.
Nëse ata kanë shenja të sëmundjes por nuk janë të konfirmuar trajtohen në spitalin e Sanatoriumit të Korçës dhe në rast se gjendja e tyre përkeqësohet dërgohen drejt spitaleve COVID në Tiranë, raporton abcnews.
“Me rastin e fillimit të shpalljes së aktit normativ dua t’i bëj thirrje të gjithë qytetarëve të Korçës të zbatojnë aktin normativ. Kemi doktorët që janë 24 orë në shërbim të qytetarëve. Ne gjithë stafi mjekësor është në shërbim të qytetarëve. Ju lutem ndihmon stafin mjekësor dhe veten tuaj. Mbani distancën dhe mbani maskën kur jeni pranë të tjerëve.
Pengon transmetimin. Të ulen rastet që të jemi në gatishmërinë të ndihmojmë qytetarët. Nuk është çështje mase është çështje e ndërgjegjes qytetare. Deri tani ne kemi këtë protokoll ku pasi identifikohet nga mjekët e urgjencës, trajtohet në sanatorium deri në daljen e përgjigjes së tamponit. Në rast se janë në gjendje të rënduar dërgohen drejt spitaleve Covid në Tiranë. Spitali i Korçës i ka të gjitha kapacitetet për të përballuar situatat. Nëse spitali i Korçës do të kthehet në spital Covid do plotësojë të gjithë kriteret e nevojshme”, shprehet ai
