Publiku i kërkon largimin nga “Për’puthen”/ Shqipja: Nuk kam për të ikur nga emisioni

Shqipja është komentuar si brenda por edhe nga publiku jashtë studios së “Për’puthen”, për karakterin e saj “vullkanik”.

Moderatorja Bora Zemani tha se ndjekës të shumtë kërkojnë largimin e Shqipes nga emisioni. Shqipja tha se nuk largohet nga emisioni, pasi nëse e bën një veprim të tillë, publiku do ta dëshirojë prapë rikthimin e saj.

Më tej shtoi se do të përmirësohet të jetë më e përmbajtur, jo për hir të publikut, por për veten e saj.

“Unë nuk iki nga emisioni. Në momentin që unë do të nxjerr këmbën jashtë kësaj studioje, ju do të dëshironi të jem përsëri. Më pranoni kështu siç jam, por do të mendohem të përmirësohem, jo për ju por për veten time. Unë jam e qetë por varet me kë. Unë jam e kuptueshme, nuk doni ju të kuptoni”, u shpreh Shqipja.

Kujtojmë se Shqipja kritikohet dhe ofendohet nga pjesa më e madhe e ndjekësve për mënyrën se si komunikon me të tjerët në studio. Ajo është në qendër të vëmendjes kryesisht për faktin që debaton me tone të ashpra, ngre zërin, bërtet në shumicën e debateve në studio, ndaj nëpër komente shumë ndjekës shkruajnë se ajo është skizofrene ka nevojë për psikolog.