Cavani: Kam ambicie për të fituar, objektivi i Man.United titulli kampion

Edinson Cavani, bomberi i ri i Manchester United,  ka folur për objektivat e tij me Djajtë e Kuq, duke u shprehur:

“Çdo lojtar që është ambicioz nga natyra dëshiron gjithnjë që të fitojë trofe. Ti punon gjithnjë shumë fort për të dhënë më të mirën nga vetja dhe duke dhënë më të mirën, mund të arrish rezultatet e duhura.

Dhe duke marrë rezultatet e duhura, mund të fitosh trofe. Unë sapo i jam bashkuar një prej klubeve më të mëdha në botë dhe mendoj se një nga objektivat e parë që ai ka, është të shpallet kampion.

Një klub si Manchester United aspiron për të fituar titullin. Duke e nisur me Premier Ligën dhe pastaj menduar për trofetë e tjerë. Këtë do doja të arrija me këtë klub, të fitoja trofe”, u shpreh Cavani.